Monday, October 22, 2012

സഹയാത്രികര്‍


സഹയാത്രികര്‍ 




പറയാതെ പറഞ്ഞെന്നു നീ വരുത്തുന്നതും 

ചിരിക്കാതെ ചിരിച്ചപോലാക്കുന്നതും

കരിഭൂതകാലം സ്മരിപ്പിച്ചു  നിന്‍ നയന-

മൊരു നാഗഫണമായുയര്‍ന്നുനില്‍ക്കുന്നതും 

കരളിന്റെ മോഹവുമതിരില്ലാ  സ്വപ്നവും 

അറിയാത്തതായ് നീ നടിക്കുന്നതും 

ദു:സ്വപ്നമാകട്ടെ;  ഇനിയുമീ യാത്രയില്‍ 

വര്‍ണസ്വപ്നങ്ങള്‍ മെനഞ്ഞെടുക്കാം.

തപ്തമാമുള്ളിന്നു ശാന്തതയേകുവാന്‍

പ്രണയാര്‍ദ്ര ഭാവങ്ങളില്ലെങ്കിലും 

മിഴിയിലെ 'മധുകണം', ഹൃദയസംഗീതവും 

സഹയാത്രികയ്ക്കായ്‌ ഞാന്‍ മാറ്റിവയ്ക്കാം.

                                                                                      
                                                                                         - തോമസ്‌ ആനിമൂട്ടില്‍



2 comments:

  1. നടിക്കുന്നതെല്ലാം ദുസ്വപ്നം തന്നെയാകട്ടെ

    ReplyDelete

ഇഷ്ടമാണെങ്കിലും അല്ലെങ്കിലും ...... എഴുതിയാലല്ലേ മനസ്സിലാകൂ?

LinkWithin

Related Posts Plugin for WordPress, Blogger...